شارا بارىسىندا قر ءدىن ىستەرى جانە ازاماتتىق ءمينيسترى, «ۋاقىپ» قايىرىمدىلىق قورى قامقورشىلار كەڭەسىنىڭ توراعاسى نۇرلان ەرمەكباەۆ سوز سويلەدى. ونىڭ ايتۋىنشا, قازاقستاندا يگىلىكتى, ساۋاپتى ىستەر جاساۋعا نيەتتى ادامداردىڭ قاتارى كوبەيىپ كەلەدى.
ء «دىن جولىندا «ساۋاپتى ءىس» جاساۋ ءۇشىن تەك قانا مەشىت سالۋ مىندەتتى ەمەس. قوعام ءۇشىن پايدالى بولىپ ەسەپتەلەتىن كەز-كەلگەن يگىلىكتى ءىستى جاساۋعا بولادى. ونىڭ ىشىندە مەكتەپتەر, اۋرۋحانالار, جول سالۋ, كوپىر سالۋ سەكىلدى قوعامعا پايدالى كەز كەلگەن ءىس ساۋاپقا جاتادى..... قوردىڭ جۇمىسى اتالعان ماسەلەنى شەشۋگە باعىتتالعان. ول قايىرىمدىلىق جاساۋ جولىنداعى ىستەردى ءتيىمدى جۇيەگە سالۋعا ۇلەس قوسادى. ەڭ باستىسى – ءبارى اشىق جانە قوعام ءۇشىن پايدالى بولۋى ءتيىس», - دەپ اتاپ ءوتتى نۇرلان ەرمەكباەۆ.
قوردىڭ قاراجاتى ءدىني عيماراتتار مەن الەۋمەتتىك نىسانداردى سالۋعا, ءدىني قىزمەتكەرلەر مەن كەدەيلەرگە, جۇمىسسىزدار مەن مۇگەدەكتەرگە قولداۋ كورسەتۋگە ارنالعان جوبالاردى ىسكە اسىرۋعا باعىتتالعان.
ن. ەرمەكباەۆتىڭ ايتۋىنشا, مۇنداي مەكەمەلەر قايىرىمدىلىق جاساۋ داستۇرلەرى قالىپتاسقان كوپتەگەن ەلدەردە كەڭ تارالعان. «ۆاكف» ينستيتۋتى مۇسىلمان ەلدەرىنىڭ حالىقتارى اراسىندا كەڭىنەن قولدانىلادى, سونداي-اق ارنايى قۇرىلعان «ۆاكف» مينيسترلىكتەرى دە جۇمىس ىستەيدى.
اتالعان جۇيە قازىردىڭ وزىندە تاياۋ شىعىستاعى يسلام ەلدەرىندە عانا ەمەس, سونىمەن قاتار زايىرلى مەملەكەتتەردە دە جۇزەگە اسىرىلۋدا. مىسالى, رەسەي فەدەراتسياسىنىڭ كەيبىر وڭىرلەرىندە, قىرعىزستان مەن تۇركيادا بار.
ءىس-شارا سوڭىندا «ۋاقىپ» قورى مەن «ال ساكر فينانس» اق, «استانا بانكى» اق اراسىنداعى ىنتىماقتاستىق تۋرالى مەموراندۋمدار بەكىتىلدى, بۇدان بولەك, مەتسەناتتار قايىرىمدىلىق كومەك كورسەتۋگە ۋاعدالاستى.
ەستەرىڭىزگە سالا كەتەيىك, «ۋاقىپ» قورى بۇل ءداستۇرلى جانە ادامگەرشىلىك قۇندىلىقتاردى قولداۋعا باعىتتالعان ءدىني راديكاليزم مەن ءفاناتيزمدى بولدىرماۋدى, الەۋمەتتىك جوبالاردى قارجىلاندىرۋدى, ءبىلىم بەرۋ جانە تاربيەلىك قىزمەتتى قارجىلاندىرۋعا, ءدىني قىزمەتكەرلەردىڭ جۇمىسىنىڭ تيىمدىلىگىن ارتتىرۋعا جانە ءدىني ينستيتۋتتاردىڭ قىزمەتىن قولداۋعا باعىتتالعان كوممەرتسيالىق ەمەس قايىرىمدىلىق ۇيىم بولىپ تابىلادى.
